按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
繃S，但肯定今年5月份起人心思变。
家族生意最大问题在继承权
一个家族能够赚大钱已经唔容易。通常第一代人创业、第二代人守业，到咗第三代人既不创业又不守业，结果令财富流失，此乃俗语话“富无三代”嘅理由。出现上述情况，理由系第一代人只将蚊年交畀第二代，而有将赚钱技巧传畀第二代。有D父母只将赚钱技巧教畀长子，长子往往被迫成为家族生意嘅管理人，其他子女便任凭个人兴趣，有D成为艺术家或大学教授，但大都唔愿承继管理家族生意嘅责任。渐渐长子同其他弟妹晌意见上有分歧（因其他弟妹皆不管家产），有D家族以“分家产”告终，更多系反目成仇。能够兄弟同心者，必定其利断金；有时兄弟同心嘅理由只系母亲尚在，成为兄弟间嘅协调者，上述情况能否维持到第三代亦成疑问。上述都系家族生意面对嘅缺点，令企业同创办人一起成长、老化甚至死亡。家族生意最麻烦嘅地方系承继权问题，如果系独子尚好，不然可引发许多问题（但独子亦有问题，例如儿子志不在做生意又点算？）。
我地呢一代，唔少人经历过五、六十年代嘅贫穷。香港七十年代才渐入佳境，我地下一代大部分喺七、八十年代出生，千金难买少年穷。第二代人踏入社会做接班人时，学历可能较我地呢一代好，但喺较富裕环境成长，佢地对钱嘅态度又如何？许多父母唔同子女讲钱，但母亲晌我老曹读书时已同我讲钱，例如点解其他同学放暑假可以去旅行，而我放暑假要去做暑期工？母亲一早同我解释，因我老曹父亲早死，必须克勤克俭，因为家里冇钱，读书要努力，因为此乃穷人唯一脱贫之法。穷唔系有罪，但往往被人睇唔起，所以年纪轻轻已知蚊年得来不易，必须善用。
所谓Life Style，只系生活方式唔同，唔一定代表较别人好或别人差，或较别人快乐或唔快乐。Felix Dennis响书中所言，或十多年前电影明星麦嘉同我老曹讲所谓“心中富贵”。表面上嘅富贵，可能系内心贫穷嘅反映；朴素生活背后，代表嘅可能系内心富足。因此，喺富人面前毋须自卑，喺穷人面前亦不可－－脸睇唔起人，才系最好嘅Life Style！
投资就系找寻趋势，唔系短期，而系中长期，然后追随它。2001年中国“十·五”计划下，对资源需求庞大，原材料升值潮迟早出现： 反之“十一·五”规划下走节约型经济，原材料涨价潮迟早停止，只系唔知道喺边一日。以铜价为例，已出现“倒挂现象”（即远期铜价较近期便宜，六十一个月后交货铜价较家吓便宜25％！），商品价格大部分都系周期性，只系农产品周期性较短，金属及能源周期性较长。十年前冇人对工业用金属感兴趣，形成唔少矿公司面临倒闭，矿工有工开已好恰皮，今天反过来矿工罢工要求大幅加薪！理由系中国同印度需求改变咗工业用金属嘅供求关系，呢方面需求喺可见将来唔会减少，但随着供应上升，重新达致供求平衡嘅机会好大。过去二十年环保问题亦系令开矿有困难嘅理由，亦系造成二十一世纪原材料涨价嘅理由，随着技术改良，唔少环保问题亦可解决。世上冇永远嘅牛市，亦冇永远嘅熊市。一鸡死一鸡鸣，事件由时间、价格及形式组成，问题只系何时、何地发生何事。2000年科网股盛极而衰，雅虎股价由一百二十五美元回落，依家二十五美元；亚玛逊由一百一十三美元回落，依家二十八美元，甚至微软亦由五十五美元回落至二十六美元（即使公司已大量回购股份）！其他如太阳电脑股价更跌九成。至于加拿大北方通讯……。互联网革命一如其他革命，响建立之前先行破坏，过去六年投资科网股者大部分损失惨重，唔单止响香港发生！反之，2000年资源股衰极而盛。七年过去咗，未来会点？我地只能追随趋势却无法预知未来。
美国负资产业主陆续出现
2001年起嘅减息曾刺激美国楼价向上，依家十个美国就业人口中，有一个同房地产行业有关。美国楼价向上带动消费、带动中国产品出口、带动原材料需求……。今天美国楼市计划软着陆，但去年新楼按中，有32。6％供楼者决定只还利息唔还楼价（2000年只有0。6％供楼者咁做）。去年43％首次置业者采用“零”首期，今年7月已有15。2％业主成为负资产！另有二万七千亿美元楼按喺今年及明年到期后，将改用新嘅利率计楼按利息（即供楼负担上升）；上述系CNBC上周五报道。美国呢次楼价软着陆会否出事？有人认为美国楼市泡沫系由格蛇一手造成，却由贝南奇去承担，一如香港楼市泡沫由港英政府时代一手造成，却由白眉董去承担，情况差唔多。祝美国置业者好运！
曹仁超
PDF原文：
原序号：292序号：
42
标题：
美经济欠佳人心思变
来源：
信报
发布日期：
2006…08…30
全文：
8月29日，周二。恒生指数升160。99。收17083。28；成交二百二十一亿七千一百多万元。8月期指收17080点，升154点；9月期指收17048点。升167点。
中银香港（2388）半年纯利升8。4％，见七十一亿元，较分析员估计好，股价变化唔大。收十六元一角四仙。中国银行（3988）半年纯利升28％，至一百九十五亿元，亦较分析界估计中好，但股价自7月至今一直回落。由三元六角五仙跌至今天三元三角六仙。中海油（883）半年获利升38％，至一百六十三亿元，8月中起股价随油价回软，亦进入获利回吐期。东方航空（670）估计第三季恢复获利，今年股价跌12％，同期南方航空（1055）跌23％、国航（753）则升9。9％。希望内地航空股今年第三季起表现好D啦！油价周一跌2。6％，收七十点四美元。
Hi…tech 揩嘢理论正确
今天表现较好嘅有德昌电机（179）升4。4％、联想（992）升2。4％、国寿（2628）升3％、中移动（941）升2。1、利丰（494）升2。4％。中国最大半导体生产商中芯国际（981）自2004年4月上市至今股价系咁跌，今天再跌2％，见九角七仙，创上市以嚟新低。再次证明〃Hi…tech揩嘢〃理论正确！中海集运（2866）股价跌8。2％，收一元八角。亦系上市以嚟最低价，该股由去年3月至今股价由四元一直回落；刚公布今年上半年纯利劲跌96％。
中国外运（598）半年纯利跌36％，UPS结束同中国外运嘅合资企业；今天中国外运股价跌9。19％，收二元四角七仙。中国外运股价2004年10月至今由四元反覆回落。去年我老曹一再强调避开半导体股同航运股，睇落痛苦日子仍未过去。
《第一财经日报》报道。9月15日起外汇存款准备金率将由3％提升至4％，估计可冻结十六亿美元资金。
内地两税合并10月份将进入全国人大初审，未来税率估计喺24－27％之间，不利国企、红筹股，亦不利香港喺内地嘅企业，不过有五年过渡期，唔系眼前问题。
美股上升，不过同RSI出现背驰，代表美股只系上落市。冇方向感。恒生指数首破5月份高点才回落。道指8月底或9月初或会尝试接近或略破5月份高点。值得注意嘅系，银行股指数8月起转弱。相信系反映美国楼市状况，其次亦反映金融股现水平已超买。近期联储局官员好静，代表佢地正在观察，然后决定9月20日嘅货币政策。如9月20日唔再加息，代表贝南奇已放弃将CPI增长率重新压低至年率2％或以下，滞胀将成为投资策略主流；反之，9月20日再加息，美国楼市将继续受压，唔排除美国未来楼价下调20％（上述系1990至92年嘅跌幅）。
利率未来走势视美国中期选举
以9月20日唔加息计。依家美国核心CPI增长率2。8％，要求佢压到落1％到2％。需要嘅时间十分长，分析员DavidHale认为需时十二个月或以上。即美国减息周期明年第三季才开始。晌11月中期选举之前，9月同10月估计利率皆维持不变，选举后共和党系咪仲控制上议院同下议院？如共和党失势，嚟自民主党嘅压力将令联储局11月宣布加息机会上升（因为今年11月系通胀压力最大嘅日子），事实上联储局内主张再加息嘅力量唔细！1980及92年美国人心思变，理由系工资升幅追唔上CPI升幅，今年相同情况出现，唔排除另一次人心思变！列根时代因股市上升、楼价回升，美国人唔想改变，1992年老殊虽然赢咗波斯湾战争，却因当年美国经济欠佳而下台。民主党一旦控制上下议院，自然施压要求联储局首先对付CPI增长率，到时贝南奇能否顶得住政治压力？
唔经唔觉，1987年10月股灾已距离我地十九年啦。今年5月至6月13日嘅跌市，当然无法同1987年10月比较，相同者系6月13日唔少人惊叫熊市重临，情况同1987年10月一样，相信结果亦一样只系虚惊一场！值得一提嘅系，8月底9月初系四年上升周期嘅顶，唔排除美股响呢几天见顶后又回落。标普五百指数由6月14日起至今正形成三浪背驰，小心到9月上旬美股或有较大跌幅。美债6月28日起上升，不但阻止咗8月s日加息，相信亦可阻止9月20日加息。美股6月13日回升，理由只系超卖，高盛证券认为当时美股超卖15％，依家却渐渐进入超买区。今年5月至今，无论CRB商品指数、黄金或黄铜价格皆形成下降轨，资源价格上升周期系咪今年5月完毕抑或只系一次中期调整？我地唯有骑驴睇书。贝南奇似乎怕通缩大于怕通胀，尤其系睇过1990至2003年日本嘅情况之后。
1980年代我老曹曾写过〃唔怕楼贵，只怕运滞〃，被人指企响地产商立场讲话！终于港人喺1997年8月至2003年7月尝到楼价一跌再跌嘅苦果！楼价一旦下调20％或以上，必然影响经济，负责任嘅政府往往晌楼市疯狂时出手阻止，以免日后下调幅度大于20％。美国楼市开始软着陆，希望能够成功，如美国楼价下调幅度止于20％有问题；如大于20％，咁问题就大啰！今年下半年及明年上半年美国经济仍受美国楼市影响。美国GDP 78。3％嚟自服务业，其中又以消费为主。
雅虎最高价系一百二十五美元，依家系二十五美元；亚玛逊最高价一百一十三美元，依家二十八美元；微软最高价五十五美元，依家二十六美元；甚至最近上市嘅 Google，亦由最高价四百七十六美元跌至三百七十三美元。互联网市场嘅问题在于别人容易进入。例如雅虎入侵亚玛逊占有嘅市场、Google 正入侵 eBay 嘅市场……。企业如欲赚取较多利润，必须寡头经营。最明显例子系香港电话公司，当别人无法入侵电话市场时，利润系股东资金16％；当电话市场渐开放，大量企业入侵，今天有边一间电讯公司赚大钱？两电仲赚取丰厚利润（纯利系固定资产16％），主因系电力市场仍未开放，美国电力市场开放后，有边间电力公司可赚取等同香港电力公司相同百分比嘅利润？互联网公司因只能拥有短期寡头优势，例如从前网上订书必透过亚玛逊，当呢类服务连其他公司都可以提供时，亚玛逊便须减价保持市场占有率，渐渐利润亦因而下降，般价系咁先。
从前报纸亦系寡头经营，1993年《苹果日报》面世，打破报业寡头经营模式，东方报业（018）推出《太阳报》展开市场争夺战；近年再加入三份免费报纸，令整个市场由1993年卖家市场转为家吓嘅买家市场。传媒进入恶性竞争时期，并以爆料去吸引读者群，为咗满足读者好奇心理，真系无所不用其极；再加上互联网抢走年轻一代读者，形成报纸生存空间愈嚟愈窄。跟住电台及电视台亦加入竞争，提供免费投资顾问服务，虽然其中80％只系浪费投资者时间（符合〃平嘢冇好、好嘢冇平〃理论），但已足够令财经报章生存环境进一步恶化，甚至出现劣币驱逐良币现象。大部分行业都受环境支配，而无力改变环境，上述情况相信将继续存在好一段日子，无法改变。
日圆大选前将转弱
日圆喺9月20日大选前可能转弱，回落1；5％左右，理由系新首相将以刺激经济为政钢（小泉2001年4月上任以嚟，日圆升值咗4。5％ ）；加上日本经济出现战后最长繁荣期（上一次系1965至70年，共五十七个月），估计9月份日圆可见119兑1美元。日本7月份失业率4。1％（6月份4。2％），同分析员估计接近。日本人就业机会增加咗，收入上升咗，能否刺激消费？1990年至今因日本人消费不足，曾出现三次衰退期，令每次经济繁荣期维持唔够三年。呢次由2003年下半年开始嘅繁荣期已超过三年，系咪响今年5月份结束？7月日本家庭消费下�