按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
崛艘麉崃鞅茄荒昵崛丝闪贤�18小时，老人家咁做便会晕。请记住Bad market，good investing，大部分成功投资策略都系喺市场恶劣嘅环境下出招，例如2003年叫人买豪宅，去年8月大行睇油价可冲上100美元一桶时叫人买内地航空股，都系运用Bad market，good investing策略嘅结果。
钱只系一个价值载体
我老曹小学时睇英文小说，许多时接触到seek your fortune呢个字（例如《仙巴历险记》）。外国人好强调找寻你嘅财富，到底财富系乜？1971年前美元可兑黄金，财富可用黄金去衡量；自从美元唔再同黄金挂钩后，连钱系乜都模糊咗。简单D讲，钱只系一个价值载体，例如你把股票卖掉，你便拥有一定数目嘅价值载体叫做钱，你可以把钱交换物业、食物甚至服务。土地又系唔系财富？中国人话有土斯有财，土地系生产一切人类必需品嘅东西，但有冇价值又取决于好多因素。1978年前中国土地国有，因土地不能交易，其价值只在于生产方面，例如种植农产品或租畀香港厂商开厂，所以价值非常低（因不可转让），买卖嘅只系土地嘅产权证而唔系土地。2003年大旧江提出私有产权写入宪法内，即中国土地可以自由转让矣，今后买卖嘅再唔系产权证而系土地，令中国土地一下子全部变成财富！有土斯有财，引发2003年至今内地楼价上涨潮，中国人亦一下子富起来啦（因为土地有价，都变成财富了）。工厂只要有地，便有财，因可以将土地抵押建新厂房，或将部分土地出售作其他投资用。原来，只要政府承认私有产权，财富便大量出现，中国人嘅财富多到出现流动性过剩！
如果我老曹有一个谂头可令企业赚大钱，但服务嘅企业未上市，上述赚钱大计冇足够资金支持，只有放弃，呢个谂头便一毫子都唔值。假设服务嘅企业系上市机构，董事局便可以将呢个概念向机构投资者推销，如佢地认为掂喎，便开始吸纳公司股票，刺激股价上升，公司再透过发行新股集资，将呢个谂头付诸实行，进行赚钱大计，于是呢个谂头变成好值钱，可以令公司市值一下子增加几亿元。原来谂头又系另一种财富！
2001年我老曹认为响中国需求带动下、全球资源价格进入涨价潮，上述眼光如香港有资源股上市，一样不值一文。2001年香港已有资源股上市，于是眼光亦可一下子转化为财富！
土地谂头眼光俱可变财富
土地可变成财富，谂头可以变成财富，阁下嘅眼光亦可变成财富，连画家嘅画可变成财富，歌星嘅歌亦可变成财富。财富变得愈来愈抽象，但同时愈来愈容易搵到。我地唔使再学故仔内嘅仙巴，冒千辛万险才搵到财富！
有人问打工可否搵到财富？答案系打工叫做搵钱（有数得计），唔系找寻财富。有人问储蓄可否累积财富？答案系储蓄只叫做储钱，同财富无关。找寻财富嘅方法系将无价值（或低价值）嘅嘢例如土地变成有价值嘅东西（例如高价楼房），用方法增加公司嘅赚钱能力，或透过眼光赚钱，才叫做找寻财富。各位依家识得点样找寻财富未！
2006年起美国7600万个战后出生婴儿踏入退休期，将加重呢次美国楼价下调嘅力量。美国人未来财富来源去年起再唔系买楼博升值（呢方面香港人1997年8月已学晓，日本人更早喺2000年6月已知道）。美国经济正面对有史以来最多人（及最富有嘅一群人）退休嘅考验，愈来愈多投资者由进取型转为保守型，再唔系每年将资金加回报率再投资嘅时代，而系每年从过去40年嘅投资项目中抽出若干巴仙作退休开支，即未来投资资金滚存嘅能力进入下降周期（中国却进入上升周期）。
1990年起日本经济同中国之间此消彼长，踏入21世纪，投资方面美国同中国之间亦开始此消彼长。随着大量战后出生婴儿退休，未来美国赚钱能力系点？环球化、电脑化、新兴国家工业化、资本主义横扫全球，未来20年美国经济情况又如何？
曹仁超
PDF原文：
原序号：361序号：
11
标题：
被震仓者开始后悔
来源：
信报
发布日期：
2007…08…24
全文：
8月23日，周四。恒生指数升620。09，收22966。97；成交1145。2亿多元。期指升525点，收22932点。中移动（941）升4。4％，见95。9元；港交所（388）上升3。5％，见132。9元；长实（001）升2。6％，见109。5元；联通（762）升5％，见13。4元；中信泰富（267）升6％，见39。05元。
美国银行投资20亿美元购入Countrywide无投票权嘅可换股债券，年息7。25厘，如行使换股权，将持有扩大股本后16至17％，超过美国华美银行嘅10。5％。美国银行有分行5700间，系美国最大嘅零售银行，但响楼按方面一直唔活跃，今年上半年呢方面贷款只有950亿元，较Countrywide嘅2451。3亿美元少得多。呢次入股可增加美国银行响楼按业务上嘅市场占有率。过去美国银行响楼按上唔收手续费，目的系吸收较优质客户采用佢地银行嘅其他服务。
次按阵痛耐唔耐发作
利率下降（市场估计联储局9月18日减息0。25厘到0。5厘），并唔代表次按问题解决，股市经过一轮大跌，相信反映次按问题渐受控制，不致扩散到其他行业，但耐唔耐便发作一次。
花旗推介中信泰富，估计今年获利每股2。47元，升37％，P/E15倍，目标价45元。亦推介中粮控股（606），今年每股获利23。8仙，较2006年减少3。7％，P/E15。6倍；明年每股获利34仙，估计升43％，P/E降至10。9倍，目标价5。3元。 BNP百利达推介工商银行（1398），估计每股获利21仙，升21。2％；另推介平安保险（2318）、中国银行（3988）、建行（939）、国寿（2628）等。大摩推介丰德丽（571），目标价8。8元。
呢次跌市，系对冲基金集中响短时间内de…leverage嘅结果，一旦抛售完成，反弹力亦大。经过过去几星期恶性抛售后，唔少股份又到咗极之吸引嘅水平。上周五下午开始，策略投资者又再纷纷入市，嗰D因恐慌被震仓者，到咗今天已开始后悔，从今天成交额回升至1145亿元睇，佢地又再重返市场，嗰D响23000点以上沽货者，原本打算喺21000点买回，但恒指跌至19300点才反弹，佢地买得较事前估计更便宜。股市下跌唔代表公司纯利展望亦下跌，只要企业纯利展望仍上升，股价回升系迟早嘅事。大部分投资者感到恐慌嘅上周五，已证明系另一入市良机。请记住我地系投资于公司盈利，股价波幅为投资者带来低价买便宜货嘅机会（如该企业纯利长线睇好），股价回落而企业前景不变，正系入市时刻。
哈佛基金首重分散风险
哈佛大学宣布捐赠基金到今年6月30日止升值23％，达349亿美元，同期标普五百指数升20。6％（去年升值16。7％，2005年升值19。2％）。上半年哈佛大学表现十分出色，但7月份响对冲基金市场损失3。5亿美元，主要受Sowood Capital影响。7月份哈佛旗下嘅Sowood Capital Management被迫出售资产，将15亿元资金还返畀投资者；该基金2004年由哈佛大学拨款5亿美元成立。受上述事件影响，唔知哈佛今年全年投资总值能否上升21％？
过去15年（1990至2005年）哈佛大学投资组合每年上升21％，即15年内上升540％。今时今日，哈佛一年经费25亿美元，有50％来自投资回报！到底哈佛大学点样做到上述成绩？哈佛大学认为，投资股票已非走向财富之路，而系将投资分散喺股票、债券、商品、房地产、对冲基金甚至另类投资，目的系保存财富为主，尽量减低风险，即所谓资产分配（asset allocation）或资产分散（asset diversification）。其投资概念1997年起我老曹已采用，就系“保本增值笑哈哈”。上述概念最早由毕非德提出：即投资第一戒条系唔好蚀本；投资第二戒条系唔好忘记第一条。过去10年我老曹成绩唔及哈佛大学，每年只能保持15％左右增幅，十年光景，回望其他响1997年冇将资产分散投资嘅朋友，我老曹发现自己已跑赢唔少人，今天更深明唔好蚀本之道。
年轻之时一无所有，需要博；人到中年如渐富有，根本上唔需要再博，而系让财富自动升值，应以逃避风险为主。我老曹过去10年投资成绩总算见得人，最大理由有二：一、逃过1997年8月香港楼价下跌嘅灾难；二、冇参与2000年科网股泡沫。虽然我老曹每年投资平均回报只升值15％，10年下来财富共升值4倍（唔及哈佛大学升值540％），但相信仍有改善空间例如响外币投资占组合比重仍然太重，日后如能提升到每年回报20％，已经心满意足。有参加庞宝林兄与我老曹讲座嘅朋友，应已接触何谓哈佛大学投资法；如冇参加，可买9月出版嘅《信报月刊》，由庞宝林兄再笔述一次。哈佛大学投资法亦叫安全投资法，可能唔适合年轻一代。随着香港人口平均年龄35岁以上，哈佛大学投资法有推广嘅必要，其背后概念系“先保本、后增值”。例如去年下半年起美国楼价开始下调，为咗保本，去年下半年开始投资策略应渐远离嗰D涉及次按机构或美国房地产嘅企业，而非等到风波出现时先至问点算？
样样话唔得 你真系唔得
通常赚取第一个100万元靠博（一无所有，只有胆正命平），赚到100万元后便靠守，正是守得云开见月明。以100万元做基础，10年后（以我老曹年增长率15％计）404。5万元、20年后1636。6万元、30年后6620多万元……。大富由天，小富由理财开始，任何人退休之时如有6600多万元，亦唔可以话少。上述银码只要肯努力理财，不难达到。成为小富（甚至大富）不在乎你最初原始资本有几多，而系你是否愿意开放你嘅思想（no…limit thinking）。许多人好得意，例如2002年我老曹曾叫人到上海买楼，即时反应“唔得嘅”；今年叫人到重庆、武汉、成都睇楼；即时反应“唔得嘅”。最近我老曹所出嘅第六本新书叫《正面思维与负面性格》，如样样未做先话唔得，结果你真系唔得！凡事应从正面角度去思考（positlve thinking）。但有勇无谋亦唔妥，响出发前必须考虑一切负面因素（有如做好防火措施才开张大吉），有咗止蚀位便勇往直前。如果你搵到志同道合者（例如我老曹搵到森池兄），一同完成发达愿望（self…made…millionaire），沿途便唔觉孤独。响紧要关头嘅一句话，例如有时互相鼓励、有时互相批评、有时互相提点，条路易行好多，知己唔使多，一个已足够。
发达无捷径，条路弯弯曲曲，沿途挫折已计算在内，带领自己嘅系远见（vision）同价值观（value）。1978年内地宣布改革开放政策后，我老曹远见就系早知中国有今日，至于嗰条弯弯曲曲嘅路点走，又系另一回事。犹疑与恐惧无可避免，例如1982年8月中国政府宣布1997年7月1日收回香港主权，嗰年圣诞节我老曹同太太亦走咗去多伦多三星期，思考未来条路点走，结果决定留喺香港，见证1997年回归。1989年6月4日后我老曹亦做咗两件事：一、6月5日大手吸纳香港股票；二、当年暑假飞去温哥华，动用30万加元买入一生人唯一冇钱赚嘅物业（一直守到2005年打和离场）。当年我老曹嘅想法系已故新地主席郭得胜教落嘅“三七分”，即30％投资海外、70％留喺香港。如香港冇事，自己发达；如香港大件事，因30％资产响外国，亦可以生活得几好。
未来远景系有30亿以上嘅人口（中国加印度加东欧等国家）正迅速冒起，佢地捧住资本主义制度前进。中国响呢方面虽然系先行者，亦只系行咗28年，以战后日本（好咗45年）、香港（好咗48年）睇，相信中国仲有十几廿年好景，只系经济由出口、基建项目投资带动转由内部消费、物业同股市带动，好似1984至97年香港咁。至于2007年美国，担心正步日本经济后尘，进入老化期。
雷曼兄弟结束BNC Mortgage LLC次按部门，裁员1200人，占总员工人数42％，并估计为BNC拨备5200万美元，系第一间大行宣布结束次按部门。BNC系响2004年收购，今年雷曼兄弟股价受影响回落27％。汇丰亦宣布响美国裁减600员工；Accredited Home Lenders宣布裁员1600人。受美国楼市影响，今年美国金融机构已裁员87962人，其中四分一喺8月份出现，进一步裁员无可避免。上周五联储局减贴现率半厘，代表联储局注意力由对抗通胀转向减少金融市场波动，引发本周港股狂升。睇嚟绵绵不绝牛市再继续嘅机会好大。当恒生�