按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
濉！�
行文贵精简
减少半成篇幅对内容有多少影响？我敢说：没有。一般所见的文章必定有虚字和自明的字。以《苹果》周五头条的导言为例：原文九十一字：〃极权共产北韩（North Korea）本月初耗资至少一亿一千七百万港元试射七枚导弹，但国内人民饥肠辘辘，早前逃到美国的难民向国会告发，北韩有餐厅东主曾经在一天内诱骗十三名拾荒小孩，将他们宰杀，炮制童肉餐供应食客。〃
删去虚字和自明的字后七十四字，少一成九：〃极权共产北韩（North Korea）月初耗资至少一亿一千七百万港元试射七枚导弹，但人民饥肠辘辘，逃到美国的难民向国会告发，有餐厅曾在一天内诱骗并宰杀十三名拾荒小孩，炮制童肉餐。〃
再进一步可删去纯意识形态的〃极权共产〃四字、几无人不识的英文〃North Korea〃。
崔少明
PDF原文：
原序号：570序号：
20
标题：
股市搵食如针鼻削铁
来源：
信报
发布日期：
2006…07…24
全文：
7月23日，周日。夏日炎炎正好眠。展望本周股市仍系炒公司业绩为主，业绩好者股价上升，反之回落。
全球经济睇落仍然挺火；美国、日本和欧罗区今年第一季GDP增长率分别为5。3％、3。1％和2。4％，发展中国家GDP更高速增长，全球六十多个国家冇一个出现衰退！但喺〃红火〃之下又危机处处，例如高油价、以黎冲突等。油价上升正削弱美国揸车一族嘅消费力，同时令其他商品价格上升。喺通胀压力下，全球同步加息，6月共十六家央行宣布加息，全球经济系咪到咗强弩之末？
新兴国家及美国、欧洲嘅贸易顺差形成贸易不平衡，全球经济下半年会否出现〃高台跳水〃？各国股市已由一路升到5月份出现急跌，6月中唔少新兴国家股市跌幅达25％，上半年股市早已出现〃高台跳水〃现象；6月下旬出现反弹后，踏入7月亚洲股市连跌三星期，例如印度股市上周跌5。6％；原油价格连跌五个交易天，9月合约跌四点六美元一桶，8月合约以七十三点○八美元收市，较7月14日嘅七十八点四美元高价回落6。8％。上周日航股价回落15％，因公司宣布计划发行新股。上周铜价大幅回落，令澳洲矿务股亦面对抛售压力。
半桶水者必死无疑
未来美国经济将由高增长期进入低增长期，唔太好亦唔太差。股票市场如肯落手落脚去做，仍然搵到食，但easy money已愈嚟愈少。技术上睇，今年高点及低点皆出现，例如5月8日恒生指数17328点及6月13日嘅15204点。随着五十天移动平均线继续下滑及二百五十天线上升，后市升唔升得几高，跌亦跌唔到去边。VIX又再升，代表本周大市下滑机会大于上升。今时今日喺股市搵食有如针鼻削铁，咁高难度动作，我老曹唔相信一般散户有出色表现。例如有几多人喺 月8日前沽货，以及有几多人喺6月13日时入货？可见喺上落市几难搵到食，因为需要完全同群众对着 干，必须喺一片睇好声中Sell in May，以及喺恒生指数跌穿二百五十天线、二流分析员大叫熊市来临时入市（注 跌穿二百五十天线从来唔代表也嘢，五十天线跌穿二百五十天线才有特殊意义；不过，喺牛市过程中必有一次错误讯号，例如2004年！）。今年日经同标普五百已出现五十天线跌穿二百天线，确认熊市；香港仍未出现，即香港熊市仍未被确认。通常唔识走势者唔会输死（因为冇胆大量投资），识走势者亦唔会输死（因十八般武艺件件皆精），只有半桶水者才必死无疑！但市场上偏偏最多半桶水分析员，真系害己害人，例如6月13日因恒指跌穿二百五十天线嗰日叫人出货，如此类推……。此乃继〃减息入市、加息离市〃后另一谬论。
群众唔会咁易失忆
上周贝南奇发言引发上任以来第三次股市反弹！可惜只维持一天，上周四及周五美股已回落。市场期望佢8月8日停止加息（但数据并非咁样启示）。新官上任通常有六个月蜜月期，如六个月内做唔出成绩就系咁先。
贝南奇到底系本世纪最伟大嘅天才抑或系大笨蛋？佢上任至今已接近六个月，2月份上任初期被传媒形容为高大威猛、来自名门望族，以及可以喺高院同殊仔饮咖啡嘅人选，佢拟出嘅通胀目标政策引起广泛讨论；4月忽然发表美元十分负面嘅言论，引发美元被抛售，金价大升。然后佢又喺华盛顿晚餐上同CNBC漂亮女记者话市场曲解咗佢嘅意思，其后喺听证会上公开道歉咁做。由于佢经验不足，人们好快便原谅咗佢。
贝南奇然后喺5月10日嗰次加息中发表强硬言论，引发全球天然原料跌价；上周三又再认为通胀率温和及可接受，美股出现咗一日狂升。
事实上，唔少评论员都会犯前言不对后语嘅陋习，只系听众好善忘。过去我老曹亦有上述缺点，其后叫同事将自己嘅文章剪存，写文章前翻查一下自己过去几星期讲过乜嘢？以免自打嘴巴！作为分析员，可以睇错，但唔可以五时花六时变。贝南奇可能活喺象牙塔内太耐，忘记咗英语hold you tongue，为政不在多言，言多必失！格老嘅点系完全知道白己嘅方向；反之，贝南奇过去六个月表现一如香港唔少嘅分析员，经常改变自己睇法，仲系人地误会佢嘅意思。贝南奇请记住，群众唔会咁易失忆嘅。
假设8月8日之后美国唔加息而CPI回落、GDP上升，人人大叫贝南奇好嘢！不然就几麻烦。白眉董其实亦唔差，佢上任时早已珠玉在前，香港楼价由1984至97年升咗十三年，真系边个郁亲边个死。白眉董唔明此理，一上任便推出〃八万五〃，结果饮恨终身！贝南奇情况有D相似，格老已做到人人尊称为〃格蛇〃，可见过去十八年佢功力非凡，有边个能够超越佢？贝南奇嘅学者性格，过去习惯纸上谈兵，佢嘅知识喺专业领域有好大贡献，但系喺政治及金融市场往往并非如此。今天香港巨富中，有边个博学多才？
投资市场嘘声四起
社会流传笑话：〃读书人为唔读书嘅人打工。〃格蛇系市场仔出身，明白因时制宜，佢嘅演词通常系讲咗等于有讲；反之贝南奇强调要增加透明度，而唔明白金融同股市都着重出奇制胜。兵者，诡道也！兵行险着亦系制胜之道。上周三贝南奇表现一如有备课嘅讲师，讲就动听，但缺乏理据支持。例如提及能源价格对通胀嘅影响（但核心通胀率系唔包括能源价格嘅），结果上周四及周五投资市场已嘘声四起，道琼斯交通分类指数更喺上周五跌穿二百天线，尾市才反弹，不但将上周三升市转为全周跌市，而且更跌穿6月份低点。
以黎战事仍在恶化，文化与宗教差异喺可见将来仍冇善法解决。商品价格系咪今年5月见顶后下调？油价睇落仍易升难跌，美国经济渐渐进入低增长、高通胀期。后市值得高兴嘅事渐少，滞胀日子重临。6月份核心通胀率升幅已达3。5％，远离贝南奇嘅目标通胀率1－2％，如不及时阻止，明年美国核心通胀率将唔系2％，而系4％甚至更高！到时将需要六厘或以上嘅利率才能阻止佢进一步上升！市场内永远充满乐观派，叫人面对现实往往唔受欢迎，因此好嘅评论员冇市场，因为自古忠言皆逆耳；反之，哗众取宠却不愁有市场。
日本企业习惯喺衰退期唔裁员，结果喺繁荣期亦毋须增聘人手，一旦面对大衰退，企业开支无法削减，纯利一跌再跌，此乃日本经济自1990年一沉不起嘅理由！旧嘅唔去，新嘅唔来。唔裁员令日本企业竞争力下降，直到日本企业抵受唔住被迫裁员为止，日本经济才可进入另一繁荣期，上述情况至今未出现。依家日本失业率仍然只有4％，同八十年代繁荣期接近。
养精蓄锐留力等第四季
过去中国国企亦唔准裁员，结果国企搞嚟搞去搞唔好，最近十年中国政府才准国企裁员，国企纯利一下子便好起来！唔裁员嘅老板好似系好老板，结果反令企业丧失市场竞争力，最终被市场淘汰！凡事有利必有弊。事实上，过〃仁〃则儒，过〃义〃则是非不分，过〃礼〃则迂腐，过〃信〃则愚，凡事皆冇绝对。
投资市场早已进入狗追狗尾时刻，喺股市磨烂席根本上系浪费精力。7月应该放假，养精蓄锐留力等第四季才搏杀。
过去嘅三头马车系美国、日本同德国。六十年代后期，美国经济停止增长，由日本同德国接力继续带领世界经济向上，直至1990年。换言之，1966至90年世界经济仍能保持繁荣，理由系日本及西德带动，令世界经济继续增长。今天嘅三头马车系美国、中国与印度。2000年起美国经济停止增长，但中国同印度继续保持高增长，令二十一世纪世界经济保持繁荣。七、八十年代嘅情况会否晌2000至2020年喺中国同印度重演？如今年8月8日美国联储局再加息而令美国GDP增长率放缓，以避免CPI升幅太快，只要中国同印度保持经济高增长，世界经济继续欣欣向荣机会向上。上述谂法如正确，则未来投资策略应由欧、美地区转向中国，即业务重心放喺欧洲或美国嘅企业吸引力在下降，业务重心放喺中国嘅吸引力则上升。
即使美国入口能力增长率放缓，亦唔影响中国未来GDP增长率，因为中国内部消费刚刚抬头，应有二十年左右繁荣期（由2000年起计）。明年中国开放金融、电讯及零售市场，会否反过来带动美国部分行业增长？
有人担心美元汇价崩溃，往往言过其词。美国今年第一季收支赤字减少至二千零八十亿美元，较去年第一季减6。5％，赤字减少唔系因为入口减少，而系出口上升！美国产品及服务出口竞争力正在上升中！
中国收紧借货远水难救近火
人行宣布由8月15日起，再调升银行存款准备金率至8。5％。人行用货币政策去收紧银根，理由系上半年各商业银行已借出二万二千亿元人民币，达今年全年总贷款目标90％中国今年第二季GDP增长11。3％，系近十年内最高。由收紧借贷到GDP增长率放缓，喺美国需时二十二个月才见效；中国因缺乏往绩，但可以肯定远水救不了近火。存款准备金率增加0。5％，大约可冻结一千五百亿元人民币，上一次调整系今年6月15日，影响亦好有限。
国家统计局发表截至今年6月30日止中国商品房空置面积共一亿二千万平方米，较去年同期升17。5％。其中住宅楼面占六千七百一十五万平方米，升14。1％；土地开发面积一亿零九百七十三万平方米，升34％。上半年房地产开发资金共七千六百九十五亿元人民币，升24。2％；到位资金一万二千二百二十四亿元，升29。1％。贷款上升二千七百四十三亿元，升56。4％，成为支撑房地产投资嘅重要因素。七十个大中城房屋售价平均升5。8％，其中升幅最大系深圳达14。6％、北京11。2％、厦门11。1％、广州10％；下降主要系上海跌5。4％。二手楼价升4。9％，非住宅商品房升5。3％。
曹仁超
PDF原文：
原序号：571序号：
21
标题：
巨大挤压效应
来源：
信报
发布日期：
2006…07…25
全文：
7月24日，周一。世界充满不稳定，例如上午阳光普照，下午可以行雷闪电。依家股市充满唔稳定因素。5月高点仍在发挥阻力，6月低点则发挥支持作用；加上相信今年第四季 GDP 增长率放缓，后市真系睇唔通！2003年起一直睇好嘅金属股、资源股，到今年5月系咪见顶？嚟自中国同印度嘅巨大需求，似乎正否决上述睇法，估计2010年中国能源需求较2001年高69％。中国正在兴建十四条超级公路、六条火车路轨、超过十二个港口……。全球五十亿人口希望如 DECD 国家十亿人口一样咁生活，此乃全球天然原材料价格嘅上升动力，最后原材料价打破5月高点再升抑或跌穿6月支持回落？木宰羊。恒指上阻力17200点，下支持15200点，至今仍未打破，未来方向未明朗。
全球经济抗高油价能力强
恒生指数今天上午一度下跌超过100点，收市16485；97，倒升16。41；成交一百七十九亿二千四百多万元。7月期指高水，升4点，收16497点。日本银行宣布加息后，日圆仍下跌，代表全球 unwind 行动并有出现。上周五有44％分析员认为，美元将喺8月8日加息（6月26日达85％）。中国人行响两个月内第二次调升存款准备金率，投资者担心中国未来 GDP 增长率可能放缓，令国企指数回落。
前量子基金创办人之一 Jim Ragers 估计，未来油价将见一百美元，但美林嘅 Francisco Blanch 话冇有怕。过去四年油价上升三�