按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
骺赜型帕Γ �
中国十三亿人口，真正有消费力者只占15％，约一亿九千五百万，相等于美国人口40％。大部分四十五岁左右系改革开放下受惠者，又以居住喺沿海省市为主，记得1998年有人话十三亿中国人口每人每天饮一支可口可乐，可口可乐便发达，因此推介可乐股份，八年后可乐股价却一跌50％。原来中国有一半人口系负担唔起日日饮可口可乐，中国唔系美国，到咗今天，好少中国人每天饮一支可乐！
外资很难建立连锁店
喺内地推销消费品，发现中国系各处乡村各处例。每个省市都有本身文化及习俗。美式连锁店经营方式喺中国行唔通；甚至珠三角消费模式同长三角唔同，喺中国好难建立全国性连锁店。今天相信有五十万香港人住喺珠三角，有五十万台湾人住喺上海一带，只系呢点，已令两地有好多地方唔同。
国家统计局综合司宣布，今年1月至5月全国工业实现利润六千二百九十四亿元，较去年同期上升25。5％，升幅大者有石油、有色金属、电力、部分重化工业及交通运输设备制造业。
前后五轮。整整七个月谈判，结果仍系中国接受铁矿石价格涨19％！最大买家反而一再被敲竹杠！归根到底系中国钢产无序增产，又忽视对铁矿石海外投资；反观日本上世纪五十年代末期已开始投资国际铁矿石，喺巴西、澳洲都有直接或间接控股公司，铁矿石加价，荷包跌落肚兜，嚟自上述公司纯利对冲进口多忖外汇，反观中国最近才学会咁做，形成喺原材料上都被别国敲竹杠，铜系咁，铁系咁，石油系咁，结果中国以高价入口原材料，低价将产品出口！自己做死，别人笑死。
宝德科技（8236） 7月4日；现代美容（919） 6日公布业绩。
曹仁超
PDF原文：
原序号：595序号：
45
标题：
第十八次加息机会高
来源：
信报
发布日期：
2006…06…26
全文：
6月25日，周日。香港少见嘅蓝天白云呢几天再现，我老曹心情亦开朗好多。不过，上周股市反弹十分短瘾，主因系股市有也动力（momentum），值生指数只喺15200至16000点之间游弋。在此环境下，一般人以少做少错为守则，除非你有内幕消息（但上述做法系犯法嘅，因此拥有内幕消息嘅人士，唔会讲你知，讲你知有内幕消息者十之八九系假消息）。如果你想赌，可以赌波、赌马甚至过澳门赌，上落终归有限；金融市场才系赌身家地方，随时一铺清袋。由于6月13日美股RSI低于30，MACD进入超卖区，引发股市反弹，到今天止，呢次反弹仍十分短瘾。
农产品唔受加息影响
利率改变，要六个月后（甚至更长）才生效。如6月29日将利率推高至五厘二五，令短期息率再次高出美国核心通胀率二厘，可令明年首季美国核心通胀率受控制，但联储局有有耐性？会否喺8月8日再加息？5月12日起美元已止跌回升，并6月5日形成双底反弹，理由系同二百天线距离太远。由于4月份美汇指数五十天线已跌穿二百天线，确认美元进入熊市，6月5日嘅回升只系反弹，估计可维持到7月或8月，美汇指数相信喺88。5附近再遇阻力。黄金、白银及工业用金属例如铜、镍等，今年5月起进入调整期，取而代之系农产品例如小麦等，相信新一轮涨价潮由农产品带动，例如棉花同橙汁等。上述商品唔受加息因素影响，而最关键系天气。
美元短期上升周期6月已开始，可维持几耐仍木宰羊。上述改变令商品价格受控制、新兴股票市场股价回落，令出口股再度被睇好，起码短期系咁。
今年5月如你有喺股市及金市获利回吐，可能已砸头埋墙；如你依家揸住现金，不妨等6月29日之后再算，4月份美国耐用品订单减少4。8％，睇嚟美国经济已开始软着陆。由于油价仍企喺七十美元一桶之上，放宽银根在可见将来唔会出现。5月份系咪同牛讲拜拜，同熊打交道？美股由2002年10月、港股由2003年3月进入小牛市，到今年5月双方都有D疲态。熊已被吵醒，开始由洞穴中爬出来；新兴市场股市由5月8日至今已跌20％，小熊市一期似乎已开始，至6月13日完成，然后系上落市，但大方向系反覆向下。未来将系耐性嘅考验，过早入市者未必着数。如根据四年周期理论，今年5月开始进入回落期（过去美国中期选举，道指平均回落8。4％，标普五百指数回落13。4％。5月份道指见高位时，只有7。02％股份创新高，17％股份早已回落20％，通用汽车更回落40％，上述乃大市改变大方向嘅讯号。
美国十年期债券出现1984年5月以来最长嘅一次跌市。上周五出现连续第八个交易天回落，孳息率见五厘二二嘅四年高位。市场除咗相信6月29日加息四分一厘，愈嚟愈多人相信8月8日再加息，人数已达85％（上周仍然系五五波），并估计8月8日十年期债券孳息率司见五厘四。美元升至八星期高位，成1。25美元兑1欧罗及1美元兑116。57日圆。换言之，联储局不但有第十七次加息行动，第十八次加息机会更达85％。摩根大通分析员估计，新兴股市将进一步受压，南非兰特已跌至三十三个月最低位，冰岛、土耳奇、纽西兰元等跌幅亦唔细。
日本十年期债券孳息率见一厘八七，估计7月份取消零利率后，可见二厘至二厘一。
MSCI亚太区股市上周跌0。6％，见121。23；5月8日至今跌幅15。4％。
楼市交投回升属低价出货
5月份香港银行批出新住宅按揭贷款较4月升19。7％，达一百三十七亿港元；二手楼贷款升12。9％，达一百亿元，代表5月香港楼市交投回升，但相信系低价出货。
至今为止，我老曹仍唔清楚6月14日道指10698点系抛售高潮抑或跌市中途岛，上述分析结果可今你未来十二个月变得更富有或较贫穷。技术上睇，道指5月10日至今仍系一浪低于一浪；标普五百指数喺6月14日更创今年新低才反弹；纳指五十天线已低于二百天线，出现死亡交叉；股市讯号继续系有反弹冇上升。股市旧领袖（商品股、新兴市场股及二线股）已回落超过20％，代表熊市已开始，股市新领袖一如三位博士，仍在依赖伯利恒之星引领，寻找〃新生王〃。依家处境系旧浪已进入退潮，新浪却未开始。五穷六绝已肯定、7月能否翻身？则木宰羊。
5月10日加息后，股市已感到痛，6月29日如再加息，会否喺伤口上擦盐？另一方面，每片黑云都镶有银边，睇来睇去，未来经济只系增长率放缓，而非陷入衰退，因此前景亦不应睇得太灰。踏入下半年业绩公布期，今年上半年企业纯利仍有增长。换言之，7月唔系冇赚钱机会，只系需要努力D去发掘！我老曹嘅责任系努力令你更富有，方法系捕捉每次潮流嘅改变。当然，不如意事十常八九，虽然大潮流方向有睇错，但喺转捩点方面掌握仍唔系咁准，呢方面仍在努力提升中。人谁无错？过去睇啱，唔代表将来一定睇啱，反之亦然。每一次都系新体验及新挑战，投资呢一行吸引力便是每天都有新事物要分析，往往令人唔知老之将至。
做我地呢一行，能知过去容易，预测将来却难。唔少人用尽种种方法，结果仍系时啱时唔啱。近年错得最离谱就系波浪理论派，由1990年起一直预测美国经济衰退，但至今仍未实现。必须承认，我地呢一行只系能知过去，至于预测将来，至今为止有一个人可做到，不过当有讯号出现时，小心D系必须嘅。任何人告诉你佢能知未来，请立即离开佢，因为佢唔系骗子就系白痴，因为先知早喺二千年前已死晒，自耶稣诞生后，世上再有先知。
1997年后行业衰多盛少
八十年代初期，中国经济由封闭式走向开放式，引发出口同入口需求，中国经济由八、九十年代资金流入式经济，渐渐变成今天资金双向流动。香港经济由八十年代以盛衰循环为主，转化为个别行业各有各精辨。今天香港经济本身愈嚟愈稳定，唔会出现过热亦唔会过冷，但个别行业升降却极之惊人。有人认为呢个系对冲基金运作嘅结果，亦有人认为行业性盛衰取代整体经济繁荣与衰退，才令对冲基金急速成长，到底有鸡先抑或有蛋先？我老曹对呢项争论有兴趣，只知上述现象1997年后已成主流。唔少人只知1997年8月后香港经济不前，其实早喺1997年前，唔少行业已进入恶性竞争期。例如电脑硬件生产商自1984年起边际利润走下坡，至今超过二十年，情况未改善；至于饮食业（尤其酒楼），1987年起便走下坡；报业自1994年起走下坡；航空业1997年起走下坡；半导体生产业2000年起走下坡；甚至房地产项目中，写字楼亦早喺1994年走下坡，1997年回落嘅只系住宅楼价。今年系咪商品股见顶及国际性跨国银行股见顶（本地业务为主嘅银行股，唔少早在1997年见顶）？未来边D行业进入繁荣期？我老曹正在努力找寻中。
资产升值后，必然带嚟资产值回落期。香港楼价由1984年起步至1997年上升十三年，调整50％亦需六年半时间；到2003年第三季，时间上已吻合，此乃2003年第二季我老曹叫大家买豪宅嘅理由。见底后必反弹，但唔代表另一上升周期开始，其他行业亦一样。例如香港酒楼七十年代开始愈开愈多，至1987年达到高潮，1987年10月股灾后，香港酒楼业便开始走下坡，过去二十年内亦有起有跌，但跌嘅日子长、起嘅日子短，今天香港酒楼数目较1987年减少一半或以上。再以报业为例，1994年前大部分报馆皆欣欣向荣，1994年后却需要喺萎缩中嘅空间争取生存机会，边际利润大幅回落，甚至进入恶性竞争，最后进入寡头经济，即只由几份大报纸垄断市场，其余报馆唔系艰苦经营便系被淘汰出局。不但报业如此，其他行业如电影业亦早已走下坡，而且速度更为吓人，连出现寡头经济嘅机会都冇，变成野猫式经营（例如有好剧本便埋班开戏，不然便散 Band），连影后都要到电台兼职做DJ，同六十年代电影业比较真系差天共地。香港电影业七十年代开始自从无线电视普及已走下坡，其后出咗个李小龙，曾令电影业一度强力反弹，自李小龙逝世后，电影公司便买少见少。仲有旅行社亦早喺八十年代开始走下坡。我老曹出嚟社会做事快四十年了，睇住唔少行业性盛衰，1997年前盛嘅行业多、衰嘅行业少，1997年后却系衰嘅行业多、盛嘅行业少。
今年下半年又在敲门，未来展望如何？大前提系香港GDP增长率今年第二季起放缓，但通胀率第三季仍上升，要到第四季才放缓，加上7月份日本银行可能放弃零利率政策。索罗斯话，过去数月日本中央银行已从市场抽走二千亿美元，引发新兴股市5月份起急跌，上述资金不但唔会重新投入市场，恐怕日本7月份起仲会进一步抽走资金。过去三十年日本央行有三次货币供应出现负增长：第一次1981年、第二次1992年、第三次2000年；今年4月系第四次。前三次都令日经平均指数大跌，相信呢次亦晤例外。过去日本货币政策对世界经济影响唔大，但2001年起日本实施零利率政策，成为唔少对冲基金嘅资金提供者，形成呢次日本银行抽资影响力咁大。何况今年4月起嘅抽资行动系环球性，美国、欧洲甚至中国都加入（估计英国亦好快加入），目标系对付高油价，但油价仍顽强地抗跌，睇落呢次环球性中央银行抽资行动，距离结束日子仍远。
我老曹相信，1999年（或2001年）开始嘅原材料上升周期今年5月结束，呢点由铜价近日下调可证明。但CPI上升速度今年第三季才见顶，令利率上升周期极可能维持到8月8日或以后；经济放缓期今年第二季或第三季才开始，明年才结束。黄金反覆上升期由2001年开始，今年5月结束，上阻力七百三十美元，下支持五百四十二美元，喺可见将来估计都喺呢个框框内玩上落市。本周四美国将加息四分一厘兼美元进一步上升，能否将金价喺7月份内逼降至五百四十二美元形成双底？并唔清楚。
奥地利已故画家克林姆（Gustav Klimt） 1907年所画嘅《黄金画作》（Adele Bloch－Bauer I） 6月18日以一亿三千五百万美元（十亿五千万港元）卖出，不但超越2004年5月毕加索嘅《拿烟斗的少年》售价一亿四百万美元，折合八亿一千万港元，同时超过1990年5月日本商人以一亿一千万美元（八亿五千八百万港元，加上通胀因素计）购入梵谷（Van Gogh）嘅《向日葵》。日本股市喺1990年1月回落，房地产1990年6月回落，2004年5月环球股市曾一度回�